صور ساخنة جدا جدا جدا .. .ممنوع لاقل من 18 عام

لو كنت هاوى او كنت غاوى او كنت ناوى تتفرج على صورة ساخنة وجامدة بجد فانصحك انك تشاهد الصور اللى فى المقالة لانها بجد صور جامدة جدا
وبمناسبة السقعة اللى احنا فيها دلوقتى قررت اجيبلكم اسخن صور فى الالبوم عندى عشان ابسطكم وادفيكم اتمنى انها  تعجبكم .
 الصورة الاولى 
___________

كوباية حمص الشام عجب سخنة وملهلبة تدفيك فى عز السفعة ويا سلام على الشطة اللى فيها جااااامدة

الصورة الثانية
_____________
لما تكون الدنيا بتشتى والمطر نازل وتكون متكلفت تحت البطانية او اللحاف وعاوز تحس اكتر بالدفا ما فيش احسن من انك .
تشرب حبة شوربة عدس تحفة معصور عليهم فص لمون والدخان بيطلع منها ..مش ممكن يا جماعة انا دفيت من الصورة

الصورة الثالثة
__________

كوباية شاى سخنة ومظبوطةتعدل الدماغ وتروق البال تحس بعدها بالدفا .والف هنا وشفا 

الصورة الرابعة 
_____________

 ياسلام على عشوة حلوة من عند الحاتى حبة كباب وكفتة معمولين على الفحم والدخان طالع منهم وريحتهم اللى تهبل ..
همممممممممم

الصورة الخامسة
_________________

الطعمية السخنة بالسمسم المقرمشة واحلى فطار ..يا سيدى 

الصورة السادسة 
_____________

(adsbygoogle = window.adsbygoogle || []).push({}); ont-size: large;">البطاطا السخنة ..وانت ماشى بالليل وتلاقى عربية بطاطا وريحتها مفجفجة تروح تشتريلك كوز بطاطا وتمشى تمزمز فيه والدخان بيطلع من بقك ..او تشويها فى البيت انت والعيلة وتكلها وهى لسه خارجة من الفرن ..واووووووووو
طبعا فيه ناس اكيد دخلت تقرا المقال وهى معتقدة انها هتشوف حاجة تانية ولكن للاسف خاب ظنهم ..
عشان كده نصيحة لوجه الله متحكمش على  الموضوعات المنشورة على السوشيال ميديا من عناوينها أو صورها أحياناً دون محاولة الضغط عليها لمعرفة المحتوى،